ДОБРА Ў ПОЛІ: ВОЛІ МНОГА
І ПРАСТОРУ-ШЫРЫНІ,
ВАБЯЦЬ ДАЛІ ТАМ МАЛОГА,
ЯК ПРЫНАДНЫЯ АГНІ.
ШТО ЁСЦЬ ТАМ, ЗА ТЫМ, УНЬ, ГАЕМ,
ДЗЕ ЗЛЯГЛІ НЯБЁС ВЯНЦЫ?
НОВЫ КРАЙ І КРАЙ ЗА КРАЕМ
І КРАІ ВА ЎСЕ КАНЦЫ!
І СНУЕЦЦА ДУМКА ТАЯ,
КАБ ПАШЫРЫЦЬ СВОЙ ПРАСТОР;
ДУМКА ЎСЮДЫ ЗАЛЯТАЕ:
ЗА СЯЛО, ЗА ХВАЛІ ГОР
І НА ХМАРКІ КІНЕ ВОКА,
ШТО, ЯК ГУСАНЬКІ, ПЛЫЛІ,
ЗАПЫТАЕ, ЯК ДАЛЁКА
ТОЕ СОНЦА АД ЗЯМЛІ.
ЯК ГЛЫБОК ТОЙ ПРАСТОР НЕМЫ,
І ЦІ МЕРЫЎ ЯГО ХТО?
І АДКАЖА ПА-СВАЕМУ:
ВЁРСТ НАПЭЎНА БУДЗЕ СТО!